Reguleringstekens

Reguleringstekens: Verkeersseine

Verkeersseine

Waar: Waar verkeersdigtheid beter deur verkeersligte beheer kan word — by kruisings, aansluitings, voetgangeroorgange, ens.

Doel: Om verkeer wat uit verskillende rigtings kom, te reguleer.

Optrede: Hierdie ligte moet te alle tye op die volgende wyse gehoorsaam word:

Rooi lig brand

Ry stadiger en bring die voertuig heeltemal tot stilstand. Die voorkant van die voertuig moet reg agter die stoplyn wees wat op die pad geverf is.

Verkeerslig met die rooi lig aan

Geel (amber) lig brand

Ry stadiger en bring die voertuig heeltemal tot stilstand. Die voorkant van die voertuig moet reg agter die verkeerslyn wees wat op die pad geverf is.

Verkeerslig met die geel lig aan

Groen lig brand

Jy mag voortgaan (indien dit veilig is) en verder ry. By die verkeersligte moet jy uitkyk vir voetgangers en voertuie.

Verkeerslig met die groen lig aan

Geel pyl brand

Hou jou voertuig agter die stoplyn stil indien jy van voorneme is om in die rigting te draai wat deur die pyl aangedui word. Gaan eers voort wanneer die groen pyl flikker.

Verkeerslig met ’n geel pyl aan

Rooi pyl flikker

Flikkerende rooi pyl na links – Nadat die bestuurder stilgehou het, mag hy of sy draai indien daar geen verkeer is nie. Onthou om voorrang te gee aan voetgangerverkeer en aan aankomende verkeer wat regs wil draai, asook verkeer van regs wat deur die kruising beweeg.

Verkeerslig met ’n flikkerende rooi pyl

Groen pyl – flikkerend of konstant

Flikkerende groen pyle – Voorrang in die rigting van die flikkerende pyl.

Konstante groen pyl – Toon die rigting waarin verkeer moet beweeg, byvoorbeeld in eenrigtingstrate.

Verkeerslig met ’n groen pyl

Rooi man brand

Voetgangers mag nie die pad oorsteek wanneer hierdie man brand nie. Hulle moet wag vir die groen man voordat hulle mag oorsteek.

Voetgangersein met die rooi man aan

Groen man brand

Wanneer die groen man brand, gee dit voetgangers voorrang om die pad oor te steek.

Voetgangersein met die groen man aan